كدي زول يجي ما يضحك

على انغام اغنية الكاشف
لليلة لاقيته
و ملأ السرور قلبي
وبي إسمه ناديته
لها وأنشغل عنى لأنى غبيته
دق وخفق قلبي وغلبنى تثبيته
فضلت أتأوه وما قدرت أنبيته
من وقتها وعنها وطوالى حبيته
القلب حبَّاه
وبالشكر واليته

ولسا في خالي ما بين اسبوع تمام
ولي انا اشتقت لي أأأأأأه اشتقت ليك






عمنا هيما .. اشكي ليك من وين وين الغربة حارة حليل بلدي وحليل اركانا في كل ملف تلقي عماري في كل طبلية تعاين تلاقي الحقة الكبيرة تعرف زولك تب تمشي عليه اتغربنا واتشردنا نساهر الليل صباحي نهاجر وندافر
بلد اكسير الحياه ما فيها












آآآآآآآه يا بلد

منقول من مدونة العاقب مصباح



سفة تمباك فى يوم دُخلة ,,,


سفة تمباك فى يوم دُخلة ,,, العاقب مصباح جلست عواطف وهى تحتل منطقة الوسط فى الجلسة التى ضمتها ومعها تهانى ونادية وهى يتحدثن فى امور الزواج وخصوصا ان زواج عواطف سيكون السبت المقبل ... تناولت تهانى الحديث وهى توجهه الى عواطف عن ان الرجل لابد ان يرى العين الحمراء فى اول الامر وان المرأة اذا تساهلت فى حقوقها وفى احتياجاتها وطلبتاها منذ البداية تكون قد اتجهت وسلكت مسلكا خاطئا ولابد ان تلبس الزوج دبلة فى اصبعها الصغير...لا ادرى لماذا اصرت على اصبعها الصغير ولم تشر الى اى اصبع اخر هل لضآلة موقف الزوج ام هى طريقة مبتكرة للتهوين منه وجعله يسمع حديثها وينفذ طلباتها دون ان يقول لا فى اى شئ ...وان يصبح فى يدها كزوج سكينة ((الحنتها لسه ما شالت)) نادية :- يا عواطف هوى اسمعى كلامى دا والله الرجال ديل هينين ولينين كان هرشتيهم فى الاسبوع الاول ولو كان فى اليوم الاول يكون احسن وكان ما هرشتيهو والله بتبقى عليك اسمعى كلام مجرب وما تسمعى كلام طبيب... تهانى :- يعنى انتى هسع يا نادية راجلك هارشاهو ما تخلى الكضب عليك الله.. نادية :- ما انا دقست وما دايرة عواطف تدقس زيى كدا دايرة ليك السمح والله... وانتى هسع ما برضو راجلك هارشك والله كان قال ليك تلبى فى النار دى تتلبى.. تهانى :- منو دى؟؟؟ هوووووى وتانى هوى يهرش منو والله فى نص الليل ارسلو يجيب الحاجة من مافى وعليك امان الله العدة بيغسلها وبيفرش الملايات كل يوم ما تشوفى فصاحته قدام الرجال ديل..والله ما بيرفع عينه على .... عواطف:- كدى خلونى منكم اها قلتوا لى اعمل شنو واعمل ليهو شنو دايراهو يكون بيخاف منى وما يعرس فينى تانى والله من هسع خايفة.. تهانى :- تخافى شنو يا بت الناس انتى عروس جديدة وعلى بال ما يفكر يعرس فيك داير ليهو زمن عشان كدا اتقوى عليهو واديهو بالجزمة...رجال الزمن دا ما بيمشوا عديل الا بالجزمة وكلهم عينهم زايغة... عواطف :- انا شايفاكم بتنظروا لى ساى كدى خلونى اصلو والله اكرهو عيشتو... نادية :- لا لا لا ما تستعجلى ...وما يشوف كعابتك من الاول ...ارخى ليهو الحبل فى البداية وبعد كدا شديهو منو بعد ما تضمنيهو وشويه شويه .. تهانى :- لا لا يا نادية خليها من اول يوم كان صبرت حقها بضيع ساى ... عواطف :- كدى فى حاجة مهمة دايرة رايكم فيها .. :- اها ... عواطف :- راجلى قالوا بسف سعوط..... نادية وتهانى سويا :- لا حولاااااااااااااااااااااااا :- قلتى شنو ؟؟؟؟ عواطف :- اى والله زى ما بقول ليكم قالوا بسف سعوط .. نادية :- رايك شنو يا تهانى فى الكلام دا .؟؟؟ تهانى :- لا لا يا عواطف يا اختى ...كل شئ ولا السعوط....هسع كان بسجر ما مشكلة ...لكن سعوط والله والله ما بقعد معاهو فى بيت واحد ... نادية :- انا زاتى والله مستحيل ارضى بى واحد بيسف سعوط وريحته الكريهة دى.. نادية :- انتى وكت عارفاهو بيسف رضيانة بيهو مالك؟؟ عواطف :- هى عاد هدا قربت ابور ومافى ولا واحد ساى جاء بالغلط وقال دايرنى وكان فوتو والله ايانى الما عرست ..... نادية :- خلاص انتى خليهو فى اول يوم بعد تعقدوا تب ويوم الدخلة قولى ليهو يخليهو ولا يخليك وانا متأكدة ما بقدر يخليك بس هسع ما تكلميهو ... تهانى :- والله كلامك صح يا نادية خليهو فى اول يوم وانا متاكدة انو بيخلى السعوط.... عواطف :- يعنى هسع ما اكلمه.. نادية :- لا لا لا ما تكلميهو....وكان خلى السعوط معناها تانى اى كلام ليك بيسمعه وبتمشيهو زى ما دايرة... هنا ابتسمت عواطف وابتسمت ايضا ناية وتهانى وهم فى انتظار تنفيذ الفكرة وكلهم امل بأن تتمكن عواطف من السيطرة على زوجها ... وبعد اسبوع وفى يوم الفرح وبعد ان تفرق المعازيم كل على وجهته جاءت تهانى ونادية يوصيانها الوصية الاخيرة بأن تكون قوية فى وجه زوجها وان تأمر ولا تطلب ولا تترجى وحانت لحظة الجلوس لوحدهما لا ثالث لهما حين دخل سعيد ورأسه خال من المواد المسببة للشعر ...اى لا توجد فيه غير بعض الشعيرات التى تدل على انه كان يوجد شعر فى ذلك الراس منذ زمن ليس بالبعيد.. اول ما قام به سعيد بعد خلوه بزوجته ان اخرج ((الكيس)) دون مراعاة لزوجته...واخذ سفة مطوحاً بها بكل ما تعلم من خبرات فى هذا المجال وبحركة لا توجد الا عند لاعبى السيرك وضع السفة مبتسما وابتسامة اخرى عليها سوف تعلن وقوعها على ارض الخصم... قامت عواطف وهى منفرة :- بتسف يا سعيد؟؟؟؟؟ وكأنها ترى ثعبانا التف برقبتها....او كأن نارا ستلتهم البيت المجاور ..بكل برود اجابها سعيد :- اى بسف فى حاجة .؟؟؟ عواطف :- هوى يا سعيد يا انا يا السعوط فى البيت دا اختار هسع وما بصبر لحدى الصباح.. قهقه سعيد وكأن الامر لا يهمه قائلا لها :- يا عواطف لو عندك صاحب ليهو عشرين. سنة..وعندك صاحب ليهو شهر...وعايزة تخلى واحد فيهم ....حتخلى ياتو فيهم ... عواطف :- حأخلى الليهو شهر اكيد.. سعيد :- اها انا بعرفك لى شهر ...وبسف لى عشرين سنة .... وما بخلى السعوط كان روحك مرقت هسع قدامى... تتراجف عواطف وتطلب منه ان يناولها كيس السعوط ... سعيد :- دايرة ترميهو صح ؟؟؟؟والله ارميك وراهو بالشباك دا وزول يجيب خبرك مافى... عواطف :- لا والله ما دايرة ارميهو بس دايراك تدينى منو سفة انا زاتى خرمانة شديد.....

السعوووووووووووووووط عالمي

دعاية تمباك

إخيييي
كلكم بتسفو
تاني ما باكل لقيماتكم

والله يا أخوانا شئ
بيخرب البيوت غير
وصايا النسوان الغلط
مافي يحرشوها ليك
و يملو رأسها بكلام
هم نفسهم ما قادرين
عليهو وتدقس المسكينة
غايتو الله يهدي بناتنا و
أخواتنا و تكون وصاياهن
عظات للعروسة وغيرها
في حسن التعامل مع
الزوج وكيف يمكن كسب
ثقته و وده بدلا من اللي
بيحصل من بعض النساء

الهيثمي انت في البوست دا شايت وين

سنة يا نكران التمباك
انا اكاااااااااااااااااااااااااااااااااااااااد اووووووووووجزم
انك من النوع لو بتحضر في الكورة مع الشباب ها يا ود سنترا فكة الكيس
مع كل هجمة مدنكلها

لكن لو طلعت رحلة مع الشابات اول شي ترمي الكيس وتوصي الشباب هوي مافي زول يقول لي كيسك وين