عمر الدوش

حكاية

في الزمن الموشّح بي سكين
وحربَهْ
والغيم المسافر
لَمّ دموعي خَبَّ
طلَّ الخوف ملفّح
بى حُزن الغلابَهْ
خلَّى الشوق مهاجِر
بين صمتي وعذابْها
اتْلاشَت مسافَهْ
مابين سيل وغابَهْ
مابين ضُل سحابَهْ
وبين وتر الربابَهْ
اتلاشت مسافَهْ
بين صمتي وعذابْها
فوق ايام حنيِنَهْ
مالتْ بي ضفيرَهْ
صَحّتْ موجَهْ نايمَهْ
زاد النيل دميرَهْ
مالت نخلَهْ
تهمس
لي موجات حسيرَهْ
عن أشواق أسيرَه
مامعروف مصيرهْا
يا غيـــم وين مسافــر؟!